Veysəloğlu Şirkətlər Qrupuna daxil olan “OBA” marketlər şəbəkəsinin Ulduz şokolad fabriki ilə birlikdə keçirdiyi “Maredo konfetləri qazandırır” lotereyası Aprelin 15-dən İyunun 9-a qədər davam edib.
“OBA Market” mobil tətbiqi üzərindən həyata keçirilən tirajlı stimullaşdırıcı elektron lotereyada “OBA” müştəriləri hər 5 AZN-lik Maredo konfetləri alış-verişində “OBA Market” mobil tətbiqini kassirə təqdim etməklə 1 şans qazanıblar. Lotereya 8 tirajdan ibarət olmaqla 8 həftə davam edib. Tiraj tarixləri: 22 Aprel, 29 Aprel, 6 May, 13 May, 20 May, 27 May, 3 İyun, 10 İyun. 1-ci və 7-ci tirajlarda 1 lotereya nömrəsi yalnız 1 tirajda, 8-ci (sonuncu) tirajda isə bütün öncəki qaliblər də iştirak hüququ qazanıblar.
Qeyd edək ki, “OBA” marketlərində Maredo konfetlərinin 50-ə yaxın çeşidi satılır.
Lotereyada iştirak edən müştərilər “OBA”dan hər biri 15 ədəd olmaqla elektrikli soba, ətçəkən maşın, mobil telefon, hər biri 8 ədəd olmaqla televizor və paltaryuyan maşın, 54 ədəd 100 AZN-lik hədiyyə kartları, 1 ədəd soyuducu və 1 ədəd Kia Rio avtomobili qazanma şansına sahib oldu.
